鬧爆佢

前兩晚同咗幾位朋友仔去咗堔水埗開飯, 由於有人提議去"三上"食, 所以我哋一行九男女就hea咗去搵位...

又唔知點解....行行吓唔見咗一對小情侶, 淨番果七件就去搵位先啦....之但係我哋行到門口嘅時候已經迫爆咗...於是我哋就行咗去另一間分店搵位(間嘢又確係堅, 一條街有三間分店)....點知去到個支客姐姐已經話要等成粒鐘....我哋當然係放屁啦....去第二度食好過...殊不知...喺lee個時候嗰對失蹤咗嘅小情侶終於蒲頭...佢哋話已經到咗我哋頭先經過嗰間迫爆咗嘅分店...重話就有位添...嘩!頭先明明見到迫爆架喎, 咁快又有位...我哋梗係二話不說咁hea番過去啦....

話明係hea...我哋去到都過咗起碼十幾分鐘啦....不過....小情侶仍然企喺度等梗...問知客姐姐啦....佢就答"埋梗單架喇, 等等啦".....咁.....就唯有等等啦....再等多十幾分鐘....唔對路喎...埋單駛唔駛咁耐呀......於是我哋就"裝"吓邊位人兄賴死啦....

唔係fa....都冇人埋單...頂!個個都食梗嘢, 玩嘢咩...我哋已經"媽"聲四起....再"裝"多陣先有個哥仔埋單咋....以為終於有位坐啦....又點知.....頂!原來嗰張枱坐咗兩group人架....得一group人走咋....有半枱重食梗嘢....當我哋以為嗰枱就食完之際...又有新菜色上枱....都未有耐走...頂佢!知客姐姐擺明吹水啦....明明冇位又呃我哋喺度等....好冇品呀.....真係火都嚟....lee啲行騙手法太差喇....簡直係賤格卑鄙下流無恥人渣敗類社會嘅寄生蟲............%#(@#^%#^$%)$&#)$^#$(^

一粒鐘之後終於有位喇.....唉!終於都係要等成粒鐘....不過....佢啲嘢又確係幾好食又幾抵嘅....可惜...經此一役已經比我blacklist 咗喇.....too bad!!!

就係佢喇....blacklist...blacklist...blacklist...blacklist...blacklist...blacklist...呀!

除咗lee單激氣事之外重有尋日個朋友仔同我講嘅book飛串爆事件(最後重要乜q都book唔到)......加埋尋晚嘅警鐘誤鳴事件(個警鐘成日都係又嘈唔係又嘈攪到瞓都瞓唔到.....又冇人理....若然狼來了就屎梗...)....唉!煩燥事一浪接一浪.....想點呀....頂!!!