怨婦俱樂部

終於捱完公司一年一度嘅"年結"喇...適逢聽日又放假, 所以今晚放工就約咗啲同樹去威吓.....一行七位怨婦(個個都日怨夜怨番工好苦呀) 浩浩蕩蕩咁去咗赤柱嗰間 King Ludwig Beerhall德國餐廳開飯...係咪好型呢!

由於間餐廳今晚比人包咗, 我哋坐咗出面呀...環境都唔錯架...可惜天氣麻麻啦!

成班狼虎之年嘅怨婦一坐低已經急急叫嘢食喇....叫咗個set dinner..... 再加咗麵包同猪手同甜品咁啦........好多嘢食呀!

沙律都有幾個.....lee個係炸蝦沙律......

另一個唔知乜乜沙律....

薯仔沙律....每樣試少少都唔錯呀!

重有堆什麼臘腸.....

啲麵包都唔錯呀....重有個蒜蓉牛油同唔知乜乜牛肝醬...

lee個包好軟熟呀....好得!

當然唔少得德國大肉腸啦......都好食呀.....

lee個意炒都好得呀......

lee個就係"小淫..."...oh應該係"小青蛙"....嘅推介.....燒猪手....確係好香口呀!

啲皮係脆卜卜架...真係幾好食.....

最後梗係要食埋甜品先收手啦....啲甜品好精美呀......咁多款樣樣都試吓先....

加埋lee個唔係蘋果乜乜...真係好滿足呀....超飽!食咁多嘢都係位位$125咋, 抵啦!