忽冷忽熱

lee排啲天氣忽冷忽熱, 一係著唔夠衫出街凍屎咗, 一時又著得太多熱屎咗...成日都捉摸佢唔到佢, 真係煩過啲女人....為咗襯番lee個天氣...尋晚就同咗個朋友仔靜靜雞去玩吓'冰火' (不過次序好次攪錯咗喎, 我哋係先'火'後'冰')....重攪咗成晚添呀....

先嚟個'火'...咪就係去咗'盛八'食燒肉囉....燒吓燒吓咁...又幾好食喎衰鬼!係喎...要鳴謝一下師奶仔同埋佢背後嘅男人"蔡生"提供嘅美食推介....兩位非常落力呀....掌聲鼓勵吓先.....師奶仔呀師奶仔....啲嘢真係好好食呀....係咪好想食好羨慕呢....睇完啲相唔好流口水呀!

師奶仔推介嘅牛脷....果然好食呀....

重有果汁牛乜乜(sorry...老人痴呆......已經唔記得咗係牛嘅邊忽).......啲牛肉好淋呀........好味!

lee兩碟係豚肉...買一送一咪試吓囉...不過猪肉我都係麻麻....lee個一般啫!

重有個海鮮併盤...好大隻蝦同帶子呀.....

成個海鮮併盤最好食嗰樣都係蝦, 好鮮味呀....好得!

食完燒嘢慶合合咁...梗係食番啲凍嘢中和番啦, 所以.....之後再去Haagen Dazs整番杯電糕...梗係叫番我嘅飛彿"樹多啤梨"雪糕啦......lee杯雪糕有老細照....唔駛錢特別好食呀....多謝老細......................................