開飯

又到月尾喇,今晚終於輪到我做stand by support,6點放工就一支箭咁標番屋企等運到,去到葵芳間百佳諗住買兩條菜心煮麵食啦(查實都食到厭厭哋...又係菜心+麵/通粉+雲吞

,但又諗唔到食乜好

!).....拿住袋菜諗住去比錢嘅時候見到個亞姐拎住袋A菜....好吸引咁,住就即刻轉咗轉軚攞咗袋A菜,重攞咗罐豆豉鯪魚,再拎多pack北姑蒸雞(現成一pack pack蒸熟就食得嗰啲)......跟住就飛巴士番屋企開餐....

豆豉鯪魚炒A菜.....原來真係好易煮...啱哂我lee啲又懶又唔多識煮餸嘅人整!

lee碟北姑蒸雞真係有啲強差人意,都係自己親手整嗰啲好味啲!